ایف آئی اے نے اپنے ہی سابق ڈی جی بشیر میمن کیخلاف پیمرا کو خط لکھ دیا‘ انٹرویوز رکوانے کی کوشش

ایف آئی اے نے اپنے ہی سابق ڈائریکٹر کے نجی ٹی وی کو دئیے گئے انٹرویو عدالتی کارروائی پر اثر انداز ہونے کی کوشش قرار دیتے ہوئے پیمرا سے ان کے انٹرویوز پر نوٹس لینے کا مطالبہ کر دیا ۔ تفصیلات کے مطابق وفاقی تحقیقاتی ادارے (ایف آئی اے) نے اپنے ہی ادارے کے سابق ڈائریکٹر بشیر میمن کے خلاف پیمرا کو خط لکھ دیا۔ڈائریکٹر ایف آئی اے محمد رضوان کی جانب سے پیمرا کو لکھے گئے خط میں کہا گیا ہے کہ بشیر میمن کے انٹرویوز عدالتی کارروائی پر اثر انداز ہونے کی کوشش ہیں۔وفاقی تحقیقاتی ادارے کی جانب سے لکھے گئے خط میں پیمرا سے بشیر میمن کے انٹرویوز کا نوٹس لینے کا مطالبہ کیا گیا ہے۔ڈائریکٹر ایف آئی اے کے مطابق بشیر میمن نے عمر فاروق ظہور کو سہولیات فراہم کیں اور عمر فاروق مالی فراڈ کے مقدمات میں ایف آئی اے کو مطلوب ہے۔