شہری کی عجیب حرکت، خاتون کو ٹرین کے آگے دھکا دے دیا

263

برسلز: بیلجیتم کے دارالحکومت برسلز میں نامعلوم شخص نے خاتون کو ٹرین کے سامنے دھکا دے دیا۔

سوشل میڈیا پر ایک ویڈیو وائرل ہورہی ہے جس میں دیکھا جاسکتا ہے کہ ایک خاتون بیلجیئم کے دارالحکومت برسلز کے ایک میٹرو اسٹیشن پر ٹرین کے انتظار میں پلیٹ فارم پر کھڑی ہوتی ہے، جبکہ اس سے کچھ فاصلے پر ایک شخص کھڑا ہوتا ہے، نا معلوم شخص خاتون کو ٹرین کی آمد سے چند سکینڈز قبل دھکا دے کر پٹری پر گرا دیتا ہے۔

تاہم ٹرین ڈرائیور کی حاضر دماغی سے خاتون کی جان بچ گئی، ٹرین ڈرائیور نے حاضر دماغی کا مظاہرہ کرتے ہوئے فوری بریک لگالی جس کی وجہ سے خاتون معجزانہ طور پر بچ گئیں۔

پولیس نے فوری کارروائی کرتے ہوئے خاتون کو اسپتال پہنچایا اور دھکا دینے والے شخص کو ایک دوسرے پلیٹ فارم سے گرفتار کرلیا۔ پولیس کا کہنا ہے کہ حملہ آور کا تعلق فرانس سے ہے۔