سوڈان: چاقو حملے میں سیکورٹی اہل کار ہلاک

خرطوم (انٹرنیشنل ڈیسک) سوڈان کے دارالحکومت خرطوم میں احتجاج کے دوران چاقو حملے میں ایک سیکورٹی افسر ہلاک ہوگیا۔ ذرائع ابلاغ کے مطابق خرطوم کے مختلف حصوں سے جمع ہونے والے مظاہرین نے صدارتی محل کی جانب مارچ کیا ہے۔ اقوام متحدہ نے رواں ہفتے سوڈانی دھڑوں کے درمیان مذاکراتی عمل شروع کرنے کی کوشش کی تھی، لیکن اس کے باوجود مظاہرین نے احتجاج جاری رکھا ہوا ہے۔ مظاہرین پہلے شہر کے مرکزمیں جمع ہوئے اور فوجی قیادت کے خلاف نعرے بازی کی۔