ریاض:فیڈریشن آف سعودی چیمبرز میں نیشنل کمیٹی برائے انٹرپرینیورشپ کے سربراہ اور ریاض چیمبر میں انٹرپرینیورشپ کمیٹی کے چیئرمین ریاض الزامل نے سعودی عرب میں کاروباری افراد کے کافی شاپس کی سرگرمیوں میں سرمایہ کاری کے رجحان میں اضافے کا راز بتاتے ہوئے کہاہے کہ جامع مطالعہ پر مبنی کوئی بھی سرمایہ کاری مارکیٹ کو مزید تقویت بخشے گی اور اس پر مثبت منافع ہوگا۔
انہوں نے کہا کہ ہم یہ بھی نہیں بھولیں گے کہ ریاض شہر مختلف شعبوں میں ایک عظیم ترقی کے مرحلے سے گذر رہا ہے۔ جو ہر ایک کے لیے سرمایہ کاری کے مواقع مہیا کررہا ہے،چاہے کیفے میں ہوں یا دیگر شعبے ہوں۔
الزامل نے مزید کہا کہ زیادہ تر سرمایہ کاری ان لوگوں کے لیے ایک کافی شاپ جیسی کشش رکھتی ہے جو مارکیٹ میں داخل ہونا چاہتے ہیں لیکن کیفے زیادہ منافع کے مارجن کی وجہ سے منفرد مقام رکھتے ہیں۔
انہوں نے کہاکہ اس شعبے میں سرمایہ کاری کی راہ میں زیادہ رکاوٹ بھی نہیں۔مارکیٹ کے ساتھ ساتھ فوری مالیاتی بہا اور اس وجہ سے اس سرگرمی کی طلب میں اضافہ ہوسکتا ہے۔
