بھارت کے غیر قانونی زیر قبضہ جموں وکشمیر میں بھارتی فوجیوں نے اپنی ریاستی دہشت گردی کی تازہ کارروائی کے دوران آج ضلع شوپیاں میں ایک کشمیری نوجوان کو شہید کر دیا جبکہ افواج کی جانب سے بھاری ہتھیاروں اور کیمیائی مواد کا استعمال کرتے ہوئے رہائشی مکان کو بھی تباہ کر دیا ‘ دوسری جانب قابض انتظامیہ نے علاقے میں انٹرنیٹ سروس بھی معطل کر کے میڈیا کو آپریشن کی کوریج سے روک دیا گیا۔
سرحد پار سے آمدہ اطلاعات کے مطابق بھارتی فوجیوں نے نوجوان کو ضلع کے علاقے چک چولان میں محاصرے اور تلاشی کی کارروائی کی کارروائی کے دوران شہید کیا۔ فوجیوں نے بھاری ہتھیاروں اور کیمیائی مواد کا استعمال کرتے ہوئے علاقے میں ایک رہائشی مکان کو بھی تباہ کر دیا۔ آخری اطلاعات تک علاقے میں بھارتی فوج کا آپریشن جاری تھا۔دریں اثنا قابض انتظامیہ نے علاقے میں انٹرنیٹ سروس بھی معطل کر دی ہے۔
ذرائع ابلاغ کے نمائندوں کو آپریشن کی کوریج سے روک دیا گیا۔ دوسری طرف بھارت کے غیر قانونی زیر قبضہ جموںوکشمیر میں بھارتی فوجیوں نے آج ضلع شوپیاں میں محاصرے اور تلاشی کی کارروائی شروع کر دی۔ کشمیر میڈیاسروس کے مطابق بھارتی فوجیوں، پیرا ملٹری سینٹرل ریزروپولیس فورس اور پولیس اہلکاروں نے ضلع کے علاقے چولان کامحاصرہ کر کے تلاشی کی کارروائی شروع کی جو آخری اطلاعات تک جاری تھی۔