اسلام آباد ہائیکورٹ: ای وی ایم سے متعلق قانون سازی کیخلاف درخواست نامکمل قرار

140

اسلام آباد (آن لائن) اسلام آباد ہائیکورٹ نے الیکٹرونک ووٹنگ مشین سے متعلق قانون سازی کے خلاف شہری کی درخواست نامکمل قرار دے دی۔ گزشتہ روز سماعت کے دوران عدالت نے درخواست گزار سے استفسارکیا کہ آپ کو ای وی ایم کی قانون سازی کی کن شقوں پر اعتراض ہے؟، درخواست گزار نے کہا کہ الیکٹرونک ووٹنگ مشین دھاندلی کی منصوبہ بندی ہے، قانون سازی کالعدم قرار دی جائے۔ چیف جسٹس نے کہا کہ ایسی نامکمل درخواست دائر نہیں کرتے ورنہ جرمانہ ہوجاتا ہے۔، جس پر درخواست گزار فدااللہ نے استدعا کی کہ درخواست کی درستگی کیلیے مہلت دی جائے۔