برطانیہ میں مشتبہ اَشیا ملنے پر 50 سے زائد گھر خالی

لندن (انٹرنیشنل ڈیسک) برطانیہ کے شہر ڈربی میں پولیس نے مشتبہ اشیاملنے پر 50 سے زائد گھر خالی کرالیے۔ بین الاقوامی خبررساں اداروں کے مطابق اس دوران بم اسکواڈ کو بھی طلب کرلیا گیا۔غیرملکی ذرائع ابلاغ کے مطابق پولیس نے کنگ الفریڈ اسٹریٹ سے ایک شخص کو حراست میں بھی لے لیا۔ اس دوران پولیس نے علاقے کو سیل کردیا اور تلاشی لینے کے ساتھ مختلف اداروں کو بھی طلب کرلیا۔ کارروائی کے دوران علاقے کے مکین اپنے گھر چھوڑ کر سڑکوں پر وقت گزارنے پر مجبور ہوگئے۔