اسلام آباد:وزیر دفاع پرویزخٹک نے سانحہ سیالکوٹ کے تناظر میں گفتگو کرتے ہوئے کہا ہے کہ ہر بات کا ذمہ دار حکومت کو نہ بنائیں، ان کا کام صرف پیسے کمانا ہوتا ہے۔
وزیر دفاع نے کہا کہ میڈیا والے اپنی سوچ کیوں نہیں بدلتے؟ ٹی وی پر اینکرز آئیں اور لوگوں کو اور بچوں کو سمجھائیں نہ کہ حکومت کو ذمہ دار ٹھہرائیں، میڈیا والے نہ دین کی بات کرتے ہیں نہ تعلیم کی اور نہ صحت کی، ان کا کام صرف پیسے کمانا ہوتا ہے۔
پرویز خٹک کا کہنا تھا کہ اس واقعے کو کسی جماعت سے نہ جوڑا جائے، دین کے معاملے میں لوگ جذباتی ہو جاتے ہیں، ہر کوئی اپنی سوچ رکھتا ہے، وہاں لوگ اکٹھے ہوئے اوراسلام کا نعرہ لگا اورجذبات میں آگئے، سیالکوٹ میں بچے بھی جوش میں آگئے تھے۔
