نسلہ ٹاور کو گرانے کا کام دن رات 3 شفٹوں میں جاری

190

کراچی:کراچی میں سپریم کورٹ آف پاکستان کے حکم پر رہائشی عمارت نسلہ ٹاور کو گرانے کا کام دن رات 3 شفٹوں میں جاری ہے۔

تفصیلات کے مطابق نسلہ ٹاور کی بالائی منزل کو ہیوی مشینری سے توڑنے کا کام اس وقت جاری ہے، عمارت کو گرانے کا کام 3 شفٹوں میں ہو رہا ہے، شارعِ فیصل تا شارعِ قائدین راستہ کسی ناخوش گوار واقعے سے بچنے کے لیے ٹریفک کے لیے بند کیا گیا ہے۔

نسلہ ٹاور کے اطراف دفعہ 144 کے تحت 4 سے زائد افراد کے جمع ہونے پر پابندی بھی عائد ہے،نسلہ ٹاور کے باہر بلڈرز اور متاثرین کے احتجاج کے بعد پیدا ہونے والی صورتِ حال پر ڈی سی ایسٹ نے کمشنر کراچی سے دفعہ 144 لگانے کی درخواست کی تھی۔

خیال رہے کہ پابندی کا اطلاق نسلہ ٹاور مکمل مسمار ہونے کے تک برقرار رہے گا۔