روس نے امریکی جمہوریت کانفرنس ڈھکوسلا قرار دیدی

184

 روس کے نائب وزیر خارجہ نے امریکہ پر تنقید کی ہے کہ افغانستان کی موجودہ صورتحال میں امریکہ کا نام نہاد “سمٹ فار ڈیموکریسی”کا انعقاد شرمناک ہے۔لوگ یہ پوچھنا چاہتے ہیں کہ کیاامریکہ ، افغانستان میں امریکہ کے ہاتھوں مارے گئے افراد کے لواحقین کو  “سمٹ فار ڈیموکریسی ” میں شرکت کی دعوت دے سکتا ہے؟

یہ خبر بھی پڑھیں:عالمی چیلنجز سے نمٹنے کے لیے فہم اور قوت کی ضرورت ہے، چین

ستم ظریفی دیکھیے کہ امریکہ کی اس نام نہاد سمٹ کے شرکا  کی جاری کردہ فہرست میں افغانستان شامل نہیں ہے ،وہی افغانستان جسے امریکہ نے “جمہوریت” کے نام پر بدلنے کی کوشش کی اور نتیجہ سب کے سامنے ہے۔دنیا پر عیاں ہو چکا ہے کہ بیرونی ممالک میں  بیچا جانے والا  امریکی جمہوریت کا  کھڑاگمحض فوجی مداخلت کا بہانہ ہے۔

اگر امریکہ واقعی “جمہوریت “اور “انسانی حقوق”پر بحث کرنا چاہتا ہے،تو افغانستان میں امریکہ کے ہاتھوں ہلاک ہونے والوں کے لواحقین کو اس سمٹ میں شرکت کی دعوت دی جانی چاہیئے ،تاکہ دنیا یہ دیکھے کہ بیس سال تک امریکہ کی “جمہوری تبدیلی” نے افغانستان کو کیا دیا ہے۔

ایک افغان اسکالر نے دو ٹوک الفاظ میں امریکہ کو پیغام دیا ہے کہ” تمہاری “سمٹ فار ڈیموکریسی” افغان عوام کو مدعو کرنے کا بہترین موقع ہے،تمہیں ہمارے خون اور تاریک مستقبل پر جمہوریت کا جشن منانے کا کوئی حق نہیں ہے۔