اسپین: رہایشی عمارت میں آتشزدگی‘ 4 پاکستانی جاں بحق

152
بارسلونا: پولیس اور طبی عملہ متاثرہ مکان سے لاشیں نکال کر اسپتال منتقل کررہا ہے

میڈرڈ (انٹرنیشنل ڈیسک) اسپین کے علاقے بارسلونا میں رہایشی عمارت میں آگ لگنے سے 4 افراد جھلس کر ہلاک ہوگئے۔ خبر رساں اداروں کے مطابق ہلاک ہونے والے افراد کا تعلق ایک ہی خاندان سے ہے اور ان میں 2 بچے بھی شامل ہیں۔ حادثے کے بعد 4 افراد کو بچالیا گیا۔ ذرائع ابلاغ کے مطابق مرنے والے افراد کا تعلق پاکستان سے ہے۔ جاں بحق ہونے والوں میں میاں بیوی اور ان کے 2بچے شامل تھے ۔ میاں بیوی کباڑ کا کام کرتے تھے اور دکان میں ہی رہایش پزیر تھے۔ وہ 10سال سے اسپین میں مقیم تھے۔