گورنر پنجاب چوہدری محمد سرور کا کہنا ہے کہ انہیں گورنر بننے کی خواہش نہیں تھی لیکن پارٹی نے انہیں رسمی عہدہ دے کر سائیڈ لائن پر کردیا۔
لندن میں پریس کانفرنس کرتے ہوئے گورنر پنجاب نے کہا کہ ہماری حکومت پولیس اور عدلیہ میں اصلاحات کرنے میں ناکام رہی ہے، پولیس، عدلیہ اور پراسیکیوشن میں بڑے پیمانے پر اصلاحات کی ضرورت ہے، ملک کا بوسیدہ نظام عوام کے مسائل حل کرنے سے قاصر ہے۔
انہوں نے کہا کہ پاکستان کا المیہ ہے کہ شخصیات کے پیچھے بھاگتے رہے اور ادارے مضبوط نہیں کیے۔
چوہدری سرور نے کہا کہ گورنر بننے کی خواہش نہیں تھی، کام کا عہدہ دیا جاتا تو ڈلیور کرسکتا تھا، اپنے دائرہ اختیار میں آنے والے کام خوش اسلوبی سے ادا کرنے کی کوشش کررہا ہوں۔