نیشنل لیبر فیڈریشن پاکستان کے صدر شمس الرحمن سواتی نے بلدیہ عظمیٰ لاہور میں نیشنل لیبر فیڈریشن سے ملحقہ ایمپلائز خدمت یونین کی کامیابی پر گل نواز خان اور ان کی ٹیم کو مبارکباد دی ہے۔پول کیے گئے ووٹوں کا 90فیصد سے زیادہ ووٹ حاصل کیے ہیں۔ اس موقع پر جلسہ سے خطاب کرتے ہوئے شمس الرحمن سواتی نے کہا کہ بلدیہ عظمیٰ کی تاریخ میں یہ پہلا ریفرنڈم ہے اور ہم نے جدوجہد کر کے بلدیہ عظمیٰ کے ورکرز کو جمہوری حق دلایا ہے اور اس میں گل نواز خان نے لازوال جدوجہد کی ہے جبکہ ہارنے والوں نے اس کے راستے میں روکاوٹیں پیدا کیں۔اس تقریب سے نومنتخب صدر گل نواز خان سواتی ،جنرل سیکرٹری محمد احمد این ایل ایف لا ہور کے صدر ملک عدنان اور دیگر نے بھی خطاب کیا۔
