کراچی گرین لائن منصوبے کا آغاز 25 دسمبر سے ہوگا، اسد عمر

234

اسلام آباد: وفاقی وزیر منصوبہ بندی اسد عمر کا کہنا ہے کہ کراچی گرین لائن منصوبے کا آغاز 25 دسمبر سے ہوگا۔

سماجی رابطے کی ویب سائٹ ٹوئٹر پر اپنے بیان میں اسد عمر نے کہا کہ کل کراچی گرین لائن منصوبے کا تفصیلی جائزہ لیا، اگلے دس دن میں یہ منصوبہ ٹرائل آپریشن کے لیے تیار ہوگا۔

وفاقی وزیر نے کہا کہ وزیر اعظم  عمران خان  کراچی آ کر منصوبے کا افتتاح کریں گے، دو ہفتے ٹرائل آپریشن کے بعد 25 دسمبر کو کمرشل آپریشن کا آغاز کر دیا جائے گا۔