جرمنی میں 2ماہ کی کوششوں کے بعد نئی حکومت بن گئی

115
برلن: نئے حکمراں اتحاد میں شامل جماعتوں کے رہنما پریس کانفرنس کررہے ہیں

برلن (انٹرنیشنل ڈیسک) جرمنی میں سوشل ڈیموکریٹک پارٹی ایس پی ڈی، گرین پارٹی اور لبرل فری ڈیموکریٹس کے مابین اتحادی حکومت کے قیام کا معاہدہ طے پا گیا ۔ خبررساں اداروں کے مطابق 2ماہ قبل جرمنی میں عام انتخابات میں ایس پی ڈی کو چانسلر انجیلا مرکل کے قدامت پسند اتحاد پر معمولی برتری حاصل ہوئی تھی۔ اتحادی حکومت کے قیام کے معاہدے کے تحت ایس پی ڈی کے 63 سالہ اولاف شولز جرمنی کے نئے چانسلر ہوں گے۔ جرمنی میں اتحادی حکومت کا قیام ایک ایسے موقع پر ہو رہا ہے کہ جب جرمنی کورونا وائرس کی چوتھی لہر سے نبرد آزما ہے۔