بنگلہ دیش کیخلاف پہلے ٹیسٹ میچ کیلئے قومی ٹیم کا اعلان

122

چٹاکانگ: پاکستان نے بنگلا دیش کے خلاف دو ٹیسٹ میچوں کی سیریز کے پہلے ٹیسٹ میچ کے لیے 12 رکنی قومی ٹیم کا اعلان کردیا گیا۔

تفصیلات کے مطابق پاکستان اور بنگلہ دیش کے مابین پہلا ٹیسٹ 26 نومبر بروز جمعہ سے چٹاکانگ کے ظہور احمد چوہدری کرکٹ اسٹیڈیم میں کھیلا جائے گا، میچ مقامی وقت کے مطابق صبح 10 بجے شروع ہوگا۔

پاکستان نے بنگلا دیش کے خلاف پہلے ٹیسٹ میچ کے لیے 12 کھلاڑیوں  کا اعلان کردیا ہے، دونوں ٹیموں کے درمیان 2 میچز پر مشتمل ٹیسٹ سیریز آئی سی سی ورلڈ ٹیسٹ چیمپئن شپ کا حصہ ہے۔

اعلان کردہ 12 رکنی ٹیم میں بابراعظم (کپتان) محمد رضوان، عبداللہ شفیق، عابد علی، امام الحق، اظہر علی، فواد عالم، فہیم اشرف، حسن علی، نعمان علی، ساجد خان اور شاہین شاہ آفریدی شامل ہیں۔