چین افغان تجارت: منٹوں میں چھبیس ٹن چلغوزے آن لائن فروخت

223

افغانستان میں چینی سفیر وانگ یو نے انکشاف کیا ہے  کہ افغانستان سے اب تک چلغوزوں کی 10 فلائٹس پہنچ چکی ہیں اور 26 ٹن چلغوزہ چند منٹوں میں ہی آن لائن فروخت ہوگیا تھا

افغانستان اور چین کے درمیان چلغوزوں کی تجارت جاری ہے اور کئی فلائٹس سیکڑوں ٹن چلغوزہ لے کر چینی مارکیٹوں تک پہنچا چکی ہیں۔

چینی مارکیٹ میں افغانستان سے برآمد شدہ چلغوزوں کی طلب بڑھتی ہی جارہی ہے اور 26 ٹن چلغوزے چند منٹوں میں ہی آن لائن فروخت ہوئے ہیں۔

 

افغانستان میں چینی سفیر نے اپنی ایک ٹویٹ میں بتایا کہ چلغوزوں کے بعد اب افغانستان سے باقی ڈرائی فروٹ (خشک میوہ جات) کی بھی تجارت ترجیح ہے۔

خیال رہے کہ گزشتہ دنوں قطر کے دارالحکومت دوحہ میں افغان اور چینی وزرائے خارجہ نے ملاقات کی تھی جس میں افغان وزیر خارجہ نے چینی ہم منصب کو چلغوزوں کا تحفہ پیش کیا تھا۔

اس ملاقات کے بعد چین اور افغانستان کے درمیان تجارت بھی شروع ہوگئی تھی۔