سندھ ہائی کورٹ نے لاپتا افراد سے متعلق پاسبان رہنما عثمان معظم کے بیٹے سعد کی عدم بازیابی پر ہوم سیکرٹری،
جے آئی ٹی ہیڈ 15 دسمبر کو رپورٹس کے ہمراہ پیش ہونے کا حکم دیدیا۔منگل کو سندھ ہائیکورٹ میں لاپتہ افراد کی بازیابی سے متعلق درخواستوں کی سماعت ہوئی۔ پاسبان رہنما عثمان معظم کے بیٹے سعد کی عدم بازیابی پر عدالت برہم ہوگئی۔ عدالت نے ہوم سیکرٹری، جے آئی ٹی ہیڈ کو طلب کرلیا۔ عدالت نے ہوم سیکرٹری، جے آئی ٹی ہیڈ 15 دسمبر کو رپورٹس کے ہمراہ پیش ہونے کا حکم دیا ہے۔ عدالت نے ریمارکس دیئے لاپتہ افراد کی بازیابی کے لیے تمام تر وسائل بروئے کار لائے جائیں۔
