کیلیفورنیا کے ایک خیراتی ادارے فریسنو مشن نے بے گھر افراد کے لیے تقریباً 80,000 جرابیں جمع کیں اور جرابوں کی طویل ترین لائن کا گنیز ورلڈ ریکارڈ توڑ دیا۔
فریسنو مشن نے کے ایف ایس این ٹی وی کو بتایا کہ رضاکاروں اور عملے کا مقصد جرابوں کی ایک لائن بنانا تھا جو کم از کم 7 میل تک پھیلی ہوئی ہے۔
مشن نے چھ ماہ تک جرابیں اکٹھی کیں اور 7.39 میل کے فاصلے تک تقریباً 80,000 جرابوں کو کپڑے کی ایک لائن پر ڈالا اور ورلڈ ریکارڈ قائم کیا۔
گنیز میں پہلے سے درج ریکارڈ 3.77 میل ہے اور اسے 2014 میں جرمنی کے ہالورڈے میں بنایا گیا تھا۔
یہ جرابیں اب فریسنو مشن اور مختلف شراکت دار تنظیموں کی جانب سے بے گھر افراد میں تقسیم کی جائیں گی۔
