کمشنر پشاور ڈویژن ریاض خان محسود کے خصوصی احکامات پرمعذور افراد کے لئے پولیس سروسز ہسپتال میں قائم ون ونڈو آپریشن کے نام سے ڈیسک نے کام کاباقاعدہ آغاز کردیا جہاں پرمعذوری سرٹیفکیٹ ایک چھت تلے چار مختلف محکموں کے افسران جاری کرینگے اس سے قبل معذور افراد کو سرٹیفکیٹ کے حصول کے لئے چار مختلف مقامات پر چار محکموں کے دفاتر کے چکر لگانا پڑتے تھے آج پہلے روز مختلف علاقوں سے آئے ہوئے 53 معذور افراد کو سرٹیفکیٹ جاری کئے گئے کمشنر پشاور ڈویژن ریاض خان محسود نے گزشتہ دنوں معذور خاتون کی شکایت پرنوٹس لیتے ہوئے ڈسٹرکٹ افیسر سوشل ویلفیئر یونس آفریدی کوپولیس سروسز ہسپتال میں معذور افراد کے لئے خصوصی ڈیسک ون ونڈو آپریشن کے قیام کے احکامات جاری کیے تھے جس نے آج باقاعدہ اپنے کام کا آغاز کردیا کمشنر پشاور ڈویژن نے ون ونڈو آپریشن کے قیام پر خوشی کااظہار کرتے ہوئے معذور افراد کو تمام تر سہولیات کی فراہمی اور سرٹیفکیٹ کے اجرا کےلئے مزید آسانیاں پیدا کرنے کی ہدایات جاری کیے۔