پاکستان پیپلزپارٹی کے چیئرمین بلاول بھٹو زرداری نے جمعہ کو قائد حزب اختلاف میاں شہباز شریف سے ٹیلی فونک رابطہ کرکے ملکی سیاسی صورت حال پر تبادلہ خیال کیا ۔دونوں رہنماوں کے درمیان ملک میں بدترین مہنگائی ،عوامی مسائل اور پارلیمان میں اپوزیشن کی مشترکہ حکمت عملی کے حوالے سے بھی گفتگو ہوئی ۔بلاول بھٹو زرداری نے کہا کہ ریلیف کا لالی پاپ دے کر عمران خان نے عوام کو تکلیف میں مبتلا کردیاہے۔ سلیکٹڈ حکومت کا ہر گزرتا دن عوام کے مسائل میں اضافہ کررہا ہے، مہنگائی کی وجہ سے پی ٹی آئی حکومت کے خلاف عوام کے صبر کا پیمانہ لبریز ہوچکا ہے