اسلام آباد: آرمی چیف، صدر مملکت عارف علوی، وزیراعظم عمران خان سمیت سیاسی اور اپوزیشن جماعتوں نے بھارت کے خلاف تاریخی کامیابی پر قومی کرکٹ ٹیم کو مبارک باد پیش کی ہے، وزیراعظم کے ساتھ وزیر خارجہ شاہ محمود قریشی، شوکت ترین، حماد اظہر اور دیگر نے سعودی عرب بھی پاک بھارت میچ بڑی اسکرین پر دیکھا ہے۔
تفصیلات کے مطابق ٹی ٹوئنٹی ورلڈکپ کے پہلے میچ میں پاکستان نے بھارت کو 10 وکٹوں سے شکست دیکر تاریخی فتح حاصل کی ہے، وزیراعظم عمران خان، صدر مملکت ڈاکٹر عارف علوی اور چیف آف آرمی اسٹاف جنرل قمر جاوید باجوہ نے ٹی ٹوینٹی ورلڈکپ میں تاریخی فتح حاصل کرنے پر قومی ٹیم کو مبارک باد پیش کی ہے۔
COAS congratulates Pakistan Cricket Team for outstanding performance and comprehensive win against India in ICC T 20 World Cup Match. “Pakistan Cricket Team has made us all proud”
COAS.— DG ISPR (@OfficialDGISPR) October 24, 2021
آرمی چیف جنرل قمر جاوید باجوہ نے بھارت کے خلاف شاندار فتح پر پاکستان کرکٹ ٹیم کو مبارکباد پیش کی ہے، آئی ایس پی آر کے مطابق آرمی چیف کا کہناہے کہ ‘پاکستانی کرکٹ ٹیم نے ہم سب کا سر فخر سے بلند کر دیا ہے’۔
شاباش گرین شرٹس۔
مکمل صفایا۔
دس وکٹوں سے میچ جیت لیا۔
ہمیں آپ پر فخر ہے۔
ایک اچھا میچ تھا مزا آگیا۔
پاکستنیوں آپ سب کو مبارک ہو۔ pic.twitter.com/sJVgINW4FU— Dr. Arif Alvi (@ArifAlvi) October 24, 2021
صدر مملکت عارف علوی نے بھارت کے خلاف تاریخی کامیابی پر قومی کرکٹ ٹیم کو مبارک باد پیش کی ہے، صدر مملکت کا کہنا ہے کہ ‘شاباش گرین شرٹس، ہمیں آپ پر فخر ہے’۔
وزیراعظم عمران خان نے بھارت کے خلاف تاریخی فتح حاصل کرنے پر قومی کرکٹ ٹیم کو مبارک باد دپیش کرتے ہوئے کہا کہ قوم کو آپ سب پر فخر ہے، وزیراعظم نے کپتان بابراعظم کو قیادت اور عمدہ بلے بازی جبکہ شاہین آفریدی کو عمدہ گیند بازی اور محمد رضوان کو اچھی بلے بازی پر خصوصی مبارک باد بھی پیش کی۔
Congratulations to the Pakistan Team & esp to Babar Azam who led from the front, as well as to the brilliant performances of Rizwan & Shaheen Afridi. The nation is proud of you all. pic.twitter.com/ygoOVTu37l
— Imran Khan (@ImranKhanPTI) October 24, 2021
وزیراعظم عمران خان نے سعودی عرب میں تاریخی میچ اپنی ٹیم کے ہمراہ دیکھا، اُن کے ہمراہ مشیر خزانہ شوکت ترین اور وفاقی وزیر حماد اظہر بھی موجود تھے۔
CNS Adm Muhammad Amjad Khan Niazi congratulates #Pakistan Cricket Team on outstanding victory against India in #ICCT20WorldCup2021. The exceptional performance of @TheRealPCB has proved its determination & spirit. CNS also extended best wishes to team for all up-coming matches.
— DGPR (Navy) (@dgprPaknavy) October 25, 2021
نیول چیف ایڈمرل امجد نیازی کی پاکستانی کرکٹ ٹیم کو بھارت کے کیخلاف میچ جیتنے پر مبارکباد دیتے ہوئے کہا کہ ‘پاکستان کی شاندار فتح پر پوری قوم مبارکباد کی مستحق ہے، قومی ٹیم نیروایتی حریف بھارت کیخلاف اپنی صلاحیتوں کا لوہا منوایا، پاک بحریہ کرکٹ ٹیم کو تاریخی فتح پرخراج تحسین پیش کرتی ہے’۔
وفاقی وزیر حماد اظہر نے کہا کہ دنیاکےبہترین کرکٹر اور ہمارے وزیر اعظم کےساتھ پاکستان کی فتح دیکھی، میچ کے دوران عمران خان کی بصیرت اورکھیل کےتجزیےسے لطف اندوز بھی ہوا۔
دوسری جانب سیاسی جماعتوں کے رہنماؤں سمیت دیگر شخصیات نے بھی تاریخی فتح حاصل کرنے پر قومی ٹیم کو دل کی اتہہ گہرائیوں سے مبارک باد پیش کی اور کامیابی کے سلسلے کو جاری رکھنے کی دعا بھی کی ہے۔
مسلم لیگ (ن) کی نائب صدر مریم نواز نےسماجی رابطے کی ویب سائٹ ٹوئٹر پر لکھا ہے کہ قومی ٹیم نے کیا زبردست اور شاندار کامیابی حاصل کی ہے ، گرین شرٹس کو مبارک باد پیش کرتی ہوں۔
Congratulations #Pakistan #PAKvIND
— BilawalBhuttoZardari (@BBhuttoZardari) October 24, 2021
پی پی پی کے چیئرمین بلاول بھٹو زرداری نے بھارت کیخلاف ٹی20 ورلڈ کپ میں قومی ٹیم کی فتح پر قوم کو مبارکباد دی ہے، ان کا کہنا ہے کہ بابر اعظم، محمد رضوان اور شاہین شاہ آفریدی سمیت پوری پاکستانی ٹیم نے بہترین کارکردگی کا مظاہرہ کیا۔
وزیراعلیٰ سندھ سید مراد علی شاہ اور صوبائی وزیر بلدیات سید ناصر حسین شاہ نے بھارت کے خلاف قومی ٹیم کی جیت پر قوم کو مبارک باد دی ہے، وزیراعلیٰ سندھ نے کہا کہ پاکستان کی ٹیم نے بہترین کھیل کا مظاہرہ کیا، کورونا وائرس کی پریشانیوں کے بعد آج قوم کو بڑی خوشخبری ملی ہے۔
Kia match tha … ke dono teamoon ka koi match hi nahi tha … Mubarak to all of you 🙂 well done, Team Green 🇵🇰 👏
— Shehbaz Sharif (@CMShehbaz) October 24, 2021
سربراہ جے یو آئی (ف) مولانا فضل الرحمٰن، شہباز شریف اور دیگر سیاسی رہنماؤں نے بھی قومی ٹیم کو مبارک باد پیش کی ہے۔