پاک بھارت میچ: آج انشاللہ٘ جیت جنون اور جذبے کی ہوگی، فواد چوہدری

196

اسلام آباد: وفاقی وزیر اطلاعات ونشریات فواد چوہدری کا کہنا ہے کہ پاک بھارت میچ کیلئے ملک کا ہر شہری پرجوش ہے اور انشاللہ٘ جیت جنون اور جذبے کی ہو گی پاکستان کی ہو گی

سماجی رابطے کی ویب سائٹ ٹوئٹر پر اظیار خیال کرتے ہوئے فواد چوہدری نے کہا کہ میں میچ دیکھنے کیلئے جانے کی تیاری کر رہا ہوں، آج پاکستان کے جو بھی گیارہ لڑکے میدان میں اتریں گے ان کے پاس پاکستان کا نیا سپر سٹار بننے کا موقع ہے۔

انہوں نے کہا کہ پاکستان کا ہر شہری اس میچ کو لے کر پرجوش ہے اور انشاللہ٘ جیت جنون اور جذبے کی ہوگی پاکستان کی ہوگی

دوسری جانب گورنر سندھ عمران اسماعیل اور وفاقی وزرا بھی پاک بھارت میچ دیکھنے دبئی پہنچ گئے ہیں۔ گورنر سندھ عمران اسماعیل، وفاقی وزیر اطلاعات فواد چوہدری اور خسرو بختیار پاکستان اور بھارت کا میچ دیکھیں گے۔ خیال رہے کہ وفاقی وزیرداخلہ بھی میچ دیکھنے کیلئے دبئی گئے تھے، تاہم کالعدم تحریک لبیک کے احتجاج کے باعث وزیراعظم نے انہیں واپس بلا لیا تھا۔