ممبئی : 60منزلہ عمارت میں آتشزدگی سے ایک شخص ہلاک

114
ممبئی : 60 منزلہ عمارت کی انیسویں منزل پر آتش زدگی کے بعد دھواں اٹھ رہا ہے‘ فائر بریگیڈ آگ پر قابو پانے کی کوشش کررہا ہے

ممبئی (انٹرنیشنل ڈیسک)بھارتی شہر ممبئی میں کثیر منزلہ عمارت میں آگ بھڑک اٹھنے کے بعد انیسویں منزل سے چھلانگ لگانے والا نوجوان ہلاک ہوگیا۔ ذرائع ابلاغ کے مطابق ممبئی کے کری روڈ پر 60 منزلہ ایویگنا پارک اپارٹمنٹ میں آتشزدگی کا واقعہ پیش آیا۔ آپریشن میں 20 فائر بریگیڈ کی گاڑیوں نے حصہ لیا۔ حادثے میں ہلاک ہونے والا شخص سیکورٹی گارڈ تھا۔ حکام کا کہنا ہے کہ ابتدائی طور پر عمارت میں لگی آگ کی وجہ معلوم نہیں ہوسکی ہے،تاہم تحقیقات جاری ہے۔