علاقائی سالمیت اور پاکستان کی خودمختاری کے دفاع کے لیے تیار ہیں، آرمی چیف

187

آرمی چیف جنرل قمر جاوید باجوہ کا کہنا ہے کہ پاک فوج علاقائی سالمیت اور پاکستان کی خود مختاری کا دفاع کرنے کے لیے تیار ہے۔

آئی ایس پی آر کے مطابق آرمی چیف جنرل قمر جاوید باجوہ نے بہاولپور کا دورہ کیا اور فوجی دستوں کی تربیتی سرگرمیوں اور جنگی مشقوں کا معائنہ کیا۔ آرمی چیف نے عصرانی اور خیرپورٹامیوالی میں فوجی دستوں کی تربیتی سرگرمیوں کا مشاہدہ کیا۔ آرمی چیف نے خیرپور ٹامیوالی کی فیلڈ رینج پر مختلف ہتھیاروں کی فائرنگ دیکھی اور میکانئزڈ دستوں کی جارحانہ جنگی مشقوں کا معائنہ کیا۔

جنرل قمر جاوید باجوہ نے نے کہا کہ دشمن کے مذموم عزائم کو شکست دینے اور خطرات سے نمٹنے کے لیے حقیقت پسندانہ تربیت ضروری ہے۔ اس سے قبل بہاولپور پہنچنے پر کور کمانڈر لیفٹیننٹ جنرل خالد ضیاء نے آرمی چیف کا استقبال کیا۔ آرمی چیف نے جوانوں کی تربیت کے اعلی معیار اور آپریشنل تیاریوں کو سراہا۔