کراچی ہاکی انٹر کلب، یوتھ ہاکی کلب بلوکی یکطرفہ ایک درجن گول سے کامیابی

130

کراچی (اسٹاف رپورٹر ) کے ایچ اے انٹر کلب ہاکی چیمپین شپ کے چوتھے کھیلے جانے والے میچز میں ربانی کلب نے اسمعیل کلب کو 0-6 سے، یوتھ ہاکی کلب بلو نے حارث نصیر اور نعمان خان کی ہیٹرک کی مدد سے ناظم آباد مجاہد کو 0-12 سے شکست دیدی جبکہ بلدیہ کلب اور گلبرگ ہاکی کلب کا میچ بغیر کسی گول کے ہار جیت کے فیصلے کے بغیر ختم ہوگیا۔کے ایچ اے اسپورٹس کمپلیکس گلشن اقبال میں کراچی ہاکی ایسوسی سیشن کے زیر اہتمام انٹر کلب ہاکی چیمپین شپ کے چوتھے روز چیمپئن شپ کے11ویںمیچ میں یوتھ ہاکی کلب بلو نے ناظم آباد مجاہد کلب کو 0-12 سے بآسانی زیر کرلیا، ناظم آباد مجاہد ایچ سی کوئی گول نہ کرسکی، فاتح ٹیم کے حارث نصیر نے چیمپئن شپ کی چھٹی ہیٹرک کا اعزاز حاصل کیا۔