اپوزیشن کی تحریک، وزیراعظم کا پی ٹی آئی کو متحرک کرنے کا فیصلہ

187

اپوزیشن کی مہنگائی کے خلاف تحریک پر وزیراعظم نے پی ٹی آئی کو متحرک کرنے کافیصلہ کیا ہے۔

وزیراعظم نے اہم قومی ایشوز پر بھی پارٹی کی مرکزی و صوبائی قیادت سے مشاورت کا فیصلہ کیا ہے۔ وزیراعظم نے پی ٹی آئی کی مرکزی و صوبائی قیادت کے 3 الگ الگ اجلاس طلب کرلیے۔

پی ٹی آئی پنجاب اور مرکزی قیادت کا اجلاس شام پونے 4بجے وزیراعظم ہاوس میں ہوگا جس میں شاہ محمود قریشی، پرویز خٹک، اسد عمر، فواد چودھری، شفقت محمود عامر کیانی اور سیف نیازی شریک ہوں گے۔

وزیر اعظم کی زیر صدارت اجلاس میں مرکزی قیادت تینوں اجلاسوں میں شریک ہوگی، پنجاب سے متعلق اجلاس میں وزیر اعلیٰ عثمان بزدار اور صوبائی پارٹی قیادت شریک ہوں گی۔پنجاب سے متعلق اجلاس میں وزیر اعلیٰ عثمان بزدار اور صوبائی پارٹی قیادت شریک ہو  گی۔

وزیر اعلیٰ خیبرپختونخوا، گورنر، صوبائی وزرا کا بھی اجلاس ہوگا۔گورنر عمران اسماعیل، اپوزیشن لیڈر حلیم عادل اور سندھ کی پارٹی قیادت کو بھی بلا لیا گیا۔

پارٹی کو فعال اور منظم کرنے کے حوالے سے صلاح مشورے ہوں گے اور اہم فیصلے متوقع ہیں۔ اجلاس میں اپوزیشن کی تحریک سے نمٹنے کے لیے ٹھوس حکمت طے کی جائے گی۔ وزیراعظم عمران خان قومی ایشوز پر پارٹی قیادت کا نقطہ نظر سے آگاہ کریں گے۔