برطانیہ میں خاکروبوں کی ہڑتال گلیاں سڑکیں کچرے سے بھر گئیں

238
برطانیہ: خاکروبوں کی ہڑتال کے باعث سڑکوں اور گلیوں میں کچرے کے ڈھیر لگے ہوئے ہیں

لندن (انٹرنیشنل ڈیسک) برطانیہ کے علاقے برائٹن اور ہوو میں خاکروبوں کی ہڑتال کے باعث گلیاں کچرے سے بھر گئیں۔ بین الاقوامی خبررساں اداروں کے مطابق 5 اکتوبر سے بلدیہ کے خاکروبوں کی ہڑتال کے باعث کچرا اور قابل تجدید فضلہ سڑکوں اور گلیوں میں جمع ہے، جس سے صحت عامہ کے مسائل پیدا ہو سکتے ہیں۔ مختلف علاقوں میں جگہ جگہ کچرے کے ڈھیر سے عوام کو نقل وحرکت میں بھی شدید دشواری کا سامنا ہے۔ واضح رہے کہ برطانیہ میں خاکروب اپنی تنخواہوں میں اضافے کے لیے ہڑتال پر ہیں۔