تحریک انصاف حکومت نے 3سال میں صرف مہنگائی کی ہے، وزیر اعلیٰ سندھ

341
عمران خان کو گھربھیجنا عوام کی آواز بن چکی ہے،وزیر اعلیٰ سندھ

کراچی: وزیر اعلیٰ سندھ مراد علی شاہ کا کہنا ہے کہ تحریک انصاف حکومت نے 3سال میں صرف مہنگائی کی ہے،ملک میں مہنگائی کا طوفان آچکاہے۔

پریس کانفرنس کرتے ہوئے وزیر اعلیٰ سندھ نے کہا کہ پی ٹی آئی کی حکومت میں مہنگائی میں ریکارڈ اضافہ ہوا ہے،وفاقی حکومت کے مردم شماری کے فیصلے کو بھی ہم نے پارلیمنٹ میں چیلنج کیا۔

مرادعلی شاہ کا مزید کہنا تھا کہ عوام کوہم اس بھیانک دور سے  نجات دلائیں گے، حکومت کیخلاف لوگوں  میں غم اور غصہ ہے، سانحہ کارساز کے تمام شواہد مٹادیئے گئے۔

انہوں نے مزید کہا کہ سندھ حکومت نے غریب عوام میں مفت زمینیں تقسیم  کیں، اسی وجہ سے آج ہم سندھ پر حکومت کررہے ہیں، صوبے کی عوام کو سہولیات پہنچانے کے لیے اقدامات کیے جارہے ہیں۔