نسلہ ٹاور کے مکینوں کو بلڈنگ خالی کرنے کے لیے نوٹس جاری

104

کراچی (مانیٹرنگ ڈیسک) عدالتی احکامات پر عمل در آمد کے لیے ضلع شرقی کی اسسٹنٹ کمشنر نے نسلہ ٹاور کے رہائشیوں کو بلڈنگ خالی کرنے کے لیے نوٹس جاری کردیا اور ایس ایچ او فیر وز آباد کو ہدایت دی ہے کہ مقررہ وقت تک عمارت خالی نہ ہو تو قانونی طور پر خالی کرائی جا ئے۔ نسلہ ٹاور کو خالی کرانے کے لیے اسسٹنٹ کمشنر فیروزآباد نے نوٹس جاری کیا جس میں کہا گیا
ہے کہ عدالت عظمیٰ نے نظرثانی درخواست بھی مسترد کردی ہے۔ ضلع شرقی کی انتظامیہ کی جانب سے جاری نوٹس میں نسلہ ٹاور کے رہائشیوں کو 27 اکتوبر تک بلڈنگ خالی کرنے کے لیے کہا گیا ہے۔ کمشنر کراچی کو اعلیٰ عدلیہ کی ہدایت پر عملدرآمد کی رپورٹ جمع کروانی ہے لہٰذا بلڈنگ خالی نہ کرنے کی صورت میں قانونی کارروائی کی جائے گی۔ نسلہ ٹاور سے متعلق گزشتہ سماعت میں عدالت نے نظرثانی کی درخواست کو مسترد کرتے ہوئے بلڈنگ کو ایک ماہ میں خالی کرانے کا حکم دیا تھا۔