شمالی شام میں بم دھماکے 3شہری جاں بحق‘ 17 زخمی

125
جربلس (شام): بم دھماکے کے مقام پر آگ لگی ہوی ہے‘ شہری دفاع کا عملہ امدادی کارروائیوں میں مصروف ہے

دمشق (انٹرنیشنل ڈیسک) شمالی شام کے قصبے جرابلس میں 2مقامات پر بم حملوں میں 3 شہری جاں بحق اور 17 زخمی ہو گئے۔ خبررساں اداروں کے مطابق منگل کے روز جرابلس میں ایک موٹر سائیکل اور کچرے کی کونڈی میں نصب بم بیک وقت پھٹے۔ ان دھماکوں کے نتیجے میں 3 شہری جاں بحق اور 15 زخمی ہوئے۔ زخمیوں کو اسپتال میں داخل کر دیا گیا ہے۔ مزاحمتی تنظیموں نے جائے وقوع کو گھیر کر امدادی کارروائیاں کیں۔ ترکی کو شبہہ ہے کہ یہ حملے کرد علاحدگی پسندوں نے کیے ہیں۔ واضح رہے کہ تل رفعت اور منبج پر قابض کردستان ورکرز پارٹی الباب، اعزاز، جرابلس اور عفرین میں تخریب کاری کرتی رہتی ہے۔