سابق وزیراعلیٰ سندھ غوث علی شاہ پی ٹی آئی میں شامل

53

کراچی(نمائندہ جسارت)مسلم ن لیگ کے رہنما اور سابق وزیراعلیٰ سندھ غوث علی شاہ پاکستان تحریک انصاف (پی ٹی آئی) میں شامل ہوگئے۔ غوث علی شاہ کے علاوہ سابق وفاقی وزیر سید ظفر علی شاہ اور بیرسٹر مرتضیٰ مہیسر بھی پی ٹی آئی میں شامل ہوگئے۔سیاسی رہنماؤں نے گورنر ہاؤس کراچی میں وزیراعظم عمران خان سے ملاقات کے بعد باقاعدہ شمولیت کا اعلان کیا۔ وزیراعظم نے سیاسی رہنماؤں کو پارٹی میں خوش آمدید کہتے ہوئے پارٹی مفلر پہنائے۔وزیراعظم سے سندھ یونائیٹڈ پارٹی کے سربراہ جلال محمود شاہ نے بھی ملاقات کی،ان کے علاوہ ڈاکٹر ارباب غلام رحیم نے بھی وزیراعظم عمران خان سے گورنر ہاؤس میں ملاقات کی اور تحریک انصاف کو آنے والے الیکشن میں مضبوط بنانے پر بات چیت کی۔ملاقات میں پی ٹی آئی میں اندرون سندھ سے متعلق پیش رفت پربھی تبادلہ خیال کیا گیا۔