لاہور( نمائندہ جسارت) جماعت اسلامی کے نائب امیر ڈاکٹر فرید احمدپراچہ نے کہا ہے کہ عقیدہ ختم نبوتﷺجزو ایمان نہیں ایمان ہے ۔ اور پوری امت اسرائیل نواز قادیانیوں اور بیرونی امداد پر چلنے والے اور پلنے والے سکولر لبرل طبقے کے ناپاک عزائم کا ڈٹ کر مقابلہ کرے گی ۔ علماء اکیڈمی منصورہ میں جمعیت اتحاد العلماء لاہور کے تعاون سے منعقدہ ختم نبوتﷺکورس کے موقع پر ان خیالات کا اظہا ر کرتے ہوئے کیا ۔نامور مبلغ مفتی امتیاز احمد مروت نے اس کورس کی تکمیل کرائی ۔جبکہ امیر جماعت اسلامی لاہور ڈاکٹرذاکراللہ مجاہد نے اقامت دین کے موضوع پر خطاب کیا ۔ مقررین نے 18سال سے کم عمر افراد کے قبول اسلام پر پابندی کے مجوزہ بل ،گھریلو تشدد بل کے ذریعے خاندانی نظام کو تباہ کرنے کی سازش اور وقف املا ک بل کے ذریعہ اسلام دشمن عزائم کی تکمیل کی مخالفت کی اور کہا کہ صرف لاہور ہی نہیں ملک بھر کی مساجد اور منبر و محراب اسلامی عقائد اور اقداد کی حفاظت کے قلعے بنیں گے ۔ اور انشاء اللہ اسلام دشمن کے عزائم ناکام نامراد ہوں گے۔
