اسلام آباد: حکومت نے کورونا ویکسین نہ لگوانے والے شہریوں کے خلاف گھیرا تنگ کرنے کا فیصلہ کرلیا ہے۔
سماجی رابطے کی ویب سائٹ ٹوئٹر پر این سی او سی نے کورونا ویکسین نہ لگوانے والوں کے لیے انتباہ جاری کردیا ہے۔ این سی او سی نے کہا کہ ویکسین نہ لگوانے والے افراد پر یکم اکتوبر سے مختلف سہولتوں کی بندش کر دی جائے گی۔
این سی او سی نے کہا کہ ویکسینیشن کا عمل جلد ازجلد مکمل کروائیں اور زندگی بحال رکھیں۔
انتباہ ! پہلی اکتوبرسے ایسے تمام افراد پہ، جنہوں نے ویکسین نہیں لگوائی ہو گی ، روزمرہ زندگی میں زیر استعمال بہت سی سہولیات کی بندش کر دی جائے گی۔ ویکسینیشن کا عمل جلد از جلد مکمل کروایں اور زندگی رواں رکھیں
— NCOC (@OfficialNcoc) September 21, 2021