امریکی اخبار نیویارک ٹائمز نے افغانستان کے علاقے پنج شیر کی موجودہ صورتحال سے متعلق رپورٹ جاری کردی ہے۔
نیویارک ٹائمز کی رپورٹ میں کہا گیا ہے کہ پنج شیر میں پاکستان کے ملوث ہونے سے متعلق الزامات جھوٹ تھے، پنج شیرمیں لڑائی ختم ہوچکی ہے، پنج شیر کے مرکز بازارک میں شدید جنگ کے آثار انتہائی کم ہیں، کچھ عمارتوں کے شیشے ٹوٹے ہیں لیکن بلڈنگ اسٹرکچر کو نقصان نہیں ہوا۔
امریکی اخبار کے مطابق طالبان نے پنج شیر کے مختلف علاقوں سے بھاری اسلحہ برآمد کیا، طالبان وادی پنج شیر میں کافی عرصے سے متحرک تھے، طالبان نے احمد شاہ مسعود کے مقبرے کی مرمت کی، طالبان نے مقبرے کی حفاظت کے لیے جنگجو بھی تعینات کیے ہیں۔
نیوزیارک ٹائمز کے مطابق پنج شیر کے کچھ شہریوں نے بھی طالبان کے قبضے میں مدد دی، پنج شیرکی اکثرآبادی لڑائی سے قبل ہی علاقہ چھوڑ گئی تھی۔
