سعودی عرب میں شاپنگ مال میں گھومنے والے کورونا مریض کو گرفتار کر لیا گیا۔
حائل ریجن کی پولیس نے سوشل میڈیا پر ویڈیو وائرل ہونے پر شناخت کر کے دو افراد کو گرفتار کیا جس میں ایک کورونا مریض تھا۔
کورونا مریض بلا خوف و خطر شاپنگ مال میں گھوم پھر رہا تھا اور ساتھ ہی ویڈیوز بنا کر سوشل میڈیا پر شیئر کررہا تھا۔
حائل پولیس ریجن کے ترجمان کیپٹن طارق النصار کا کہنا ہے کہ آئیسولیشن کی خلاف ورزی اور لوگوں میں وائرس پھیلانے پر مذکورہ شخص کو ایک سے پانچ برس قید اور پانچ لاکھ ریال تک جرمانہ ہوسکتا ہے۔
🎥 #فيديو جريمة متداولة .. #حائل
مصاب بـــ فيروس #كورونا تجوّل داخل مجمع تجاري رغم ثبوته اصابته، ما يعد تعمّد لنقل العدوى، وقام بتوثيق ذلك في مقطع فيديو.
🚨تم القبض على المصاب والمصوّر. pic.twitter.com/SheCCECkSa— تـ ـغـ ـا ر يـ د (@Twytat) August 3, 2021
حکومت نے یکم اگست سے سرکاری اور نجی اداروں میں ویکسین نہ لگوانے والوں کا داخلہ بند کرنے کا اعلان کررکھا ہے۔
کھیلوں کے مراکز، سینما گھروں، ثقافتی اور تجارتی مراکز میں صرف ویکسین لگوانے والوں کو ہی داخل ہونے دیا جائے گا۔
تعلیمی اداروں کے لئے بھی یہی ہدایات جاری کی گئی ہیں۔ شہریوں اور مقیم غیرملکیوں سے توکلنا ایپ ساتھ رکھنے کی ہدایت کی گئی ہے۔ شہری توکلنا ایپ پر اپنی ویکسین سے متعلق اسٹیٹس دکھائیں گے۔