وزیربلدیات خیبرپختونخوا اکبر ایوب خان نے عہدے سے استعفیٰ دے دیا۔
مشیر اطلاعات کامران بنگش نے ٹوئٹر پر لکھا کہ وزیربلدیات خیبرپختونخوا اکبر ایوب خان وزار ت سے مستعفی ہو گئے وزیراعلیٰ خیبرپختونخوا محمود خان نے اکبرایوب خان کا استعفیٰ منظور کرلیا ہے اور استعفیٰ کی منظوری کے ساتھ اکبرایوب خان کو ڈی نوٹیفائی کر دیا گیا ہے۔
اکبرایوب خان وزارت بلدیات خیبرپختونخوا سے مستعفی، صحت اور حلقہ انتخاب پر توجہ مرکوز رکھنا چاہتے ہیں۔ اُنہوں نے وزیراعلی کو استعفی ارسال کیا جوکہ منظورکردیا گیا۔
وزیراعلی کی ٹیم میں خدمات انجام دینا اعزاز ہے، استعفی کا متن pic.twitter.com/GyGkvZ4BgA
— Kamran Bangash 🇵🇰 (@kamrankbangash) August 5, 2021
مشیر اطلاعات نے اکبر ایوب خان کا استعفیٰ شیئر کرتے ہوئے مختصر متن بھی لکھا جس میں اکبر ایوب کا کہنا ہے کہ صحت اور حلقہ انتخاب کی مصروفیات کے باعث ذمہ داریاں جاری نہیں رکھ سکتا، وزارت کے لیےاعتماد پر وزیراعلیٰ محمود خان کا شکرگزار ہوں ۔