وفاقی حکومت کا ملک بھر کے تعلیمی ادارے کھولنے کا اعلان

215

اسلام آباد:وفاقی حکومت نے سندھ کے علاوہ پورے ملک کے تمام تعلیمی ادارے بند نہ کرنے کا فیصلہ کیا ہے، امتحانات شیڈول کے مطابق ہوں گے، تعلیمی ادارے 50 فیصد حاضری کے ساتھ کھلیں گے۔

پریس کانفرنس کرتے ہوئے وفاقی وزیر برائے تعلیم شفقت محمود کا کہنا ہے کہ کورونا سے بچنے کی احتیاطی تدابیر اپناتے ہوئے بچوں کی تعلیم کا سلسلہ بھی جاری رکھنا ہے،  ملک بھر کے تعلیمی اداروں کے تمام لوگوں کی ویکسی نیشن  31اگست تک ہوجانی چاہیے۔

وفاقی وزیر تعلیم کا کہنا تھا کہ  وزارئے تعلیم کانفرنس کا آئندہ اجلاس 25 اگست کو ہوگا، وزارت تعلیم جو بھی فیصلہ کرے گی اس پر عمل ہوگا۔

دوسری جانب صوبائی وزیر تعلیم سعید غنی کا کہنا تھا کہ سندھ میں تعلیمی ادارے 8 اگست تک مکمل بند رہیں گے،سندھ اور بالخصوص کراچی میں کرونا وائرس کی صورتحال اس وقت تسلی بخش نہیں ہے۔

سعید غنی نے مزید  کہا کہ 8 اگست کے بعد صورتحال کا ازسر نو جائزہ لیا جائے گا،صورتحال کی بہتری پر فوری طور پر انٹر سال دوئم کے باقی ماندہ امتحانات کو مکمل کیا جائے گا،8 اگست کے روز کرونا ٹاسک فورس کا اجلاس ہوگا اس میں صورتحال کو دیکھتے ہوئے آئندہ کا لائحہ عمل طے کریں گے۔