وسطی بحیرۂ روم میں سیکڑوں تارکین وطن کو بچالیا گیا

روم (انٹرنیشنل ڈیسک) امدادی تنظیموں نے وسطی بحیرہ روم میں سیکڑوں تارکین وطن کو ڈوبنے سے بچا لیا۔ بین الاقوامی خبررساں اداروں کے مطابق 5گھنٹے تک جاری امدادی مشن میں اوشین وائکنگ، ایس او ایس بحیرہ روم اور سی واچ 3 نامی تنظیمیں شریک تھیں۔ اس امدادی کارروائی کے دوران مجموعی طور پر 400تارکین وطن کو بچایا گیا۔ ایس او ایس بحیرہ روم نے تیونس کے پانیوں میں درجنوں مہاجرین کو بچایا۔ اس علاقے میں چند روز پہلے بھی درجنوں افراد کو بچایا گیا تھا۔