بیڈمنٹن کھلاڑی ماہ نور شہزاد کی پٹھان قوم سے معافی

369

اولمپکس میں بیڈمنٹن کھیلنے والی پاکستانی کھلاڑی ماہ نور شہزاد نے پٹھانوں کے متعلق اپنے بیان پر معافی مانگ لی ہے۔

سماجی رابطے کی ویب سائٹ پر ٹوئٹ کرتے ہوئے ماہ نور شہزاد نے کہاکہ بیڈ منٹن کھلاڑیوں میں زیادہ تر پٹھان ہیں جو میری ترقی سے بہت زیادہ حسد کررہے ہیں اور مجھ پر تنقید کرتے ہیں،میں جس مقام پر بھی ہوں تمام پاکستانیوں کی دعاؤں کی بدولت ہوں۔

ماہ نور شہزاد نے کہاکہ جب میرے ساتھ کے ٹاپ بیدمنٹن کھلاڑیوں کو پتہ چلا کہ میں اولمپکس کھیلنے جارہی ہوں تو انہوں نے اخبارات میں میرے خلاف جھوٹی خبریں چھپوائیں، جس میں کہا گیا کہ ماہ نور شہزاد بیڈ منٹن کی چہیتی ہیں ورنہ اُن کی کارکردگی صفر ہے۔

انہوں نے مزید کہاکہ گذشتہ 5سالوں سے میں پاکستان کی چیمپئن ہوں ، مجھ پر تنقید صرف اس لیے کی گئی کیونکہ میں اولمپکس میں جگہ بنانے میں کامیاب رہی ، تمام پٹھان قوم کے لوگ میرے محسن ہیں ، مجھے امید ہے کہ وہ امجھے معاف کردیں گے۔