بھارتی ریاست آسام اور میزروم میں خونی جھڑپ، 5 پولیس اہلکار ہلاک

801

نئی دہلی: بھارتی ریاست آسام اور میزروم میں سرحدی تنازعہ اور جھڑپوں میں 7 پولیس اہلکار ہلاک اور درجنوں زخمی ہوگئے۔

غیر ملکی میڈیا رپورٹس کے مطابق گزشتہ ایک ماہ سے ریاست آسام اور میزروم میں بارڈر پوسٹ پر قبضے کے خلاف اور لیلیٰ نامی علاقہ پر کنٹرول کے لیے کشیدگی جاری ہے۔ آج صبح دونوں ریاستوں کے مسلح اہلکاروں کے درمیان فائرنگ کا تبادلہ ہوا۔

ریاست آسام کے وزیر اعلیٰ نے ٹوئٹر پر جاری کردہ پانے بیان میں کہا ہے کہ یہ بہت افسوس ناک ہے، میزروم کی جانب سے شدید فائرنگ سے آسام کے 5 پولیس اہلکار ہلاک اور 50 سے زائد زخمی ہوگئے جن میں عام شہری بھی شامل ہیں۔

انہوں نے کہا کہ میزروم کے اس اقدام سے حالات مزید خراب ہوسکتے ہیں۔ تاہم میزروم کے وزیر اعلیٰ کی جانب سے کوئی ردعمل سامنے نہیں آیا۔