کراچی: کورونا وبا کی چوتھی لہر اور بڑھتے کیسز کے پیش نظر قومی ائیرلائن (پی آئی اے) نے فضائی میزبانوں کے لیے ویکسی نیشن لازمی قرار دے دیا ہے جبکہ نئے احکامات میں سرٹیفکیٹ کے بغیر فضائی میزبانوں کے ڈیوٹی کرنے پر پابندی عائد ہوگی۔
تفصیلات کے مطابق پی آئی اے نے یکم اگست سے فضائی میزبانوں کے لیے ویکسی نیشن لازمی قرار دیتے ہوئے ویکسینیشن سرٹیفکیٹ کے بغیر فضائی میزبانوں کے ڈیوٹی کرنے پر پابندی عائد کر دی ہے۔
PIA is all set to become the first airline in the region to fly with all vaccinated cabin & cockpit crew, followed by front line workers for the health and safety of our crew & customers. #PIA strictly adheres to all the prevalent #COVID19 precautionary measures #Inthistogether pic.twitter.com/SrZh31TOex
— PIA (@Official_PIA) April 22, 2021
کورونا سے بچاؤکے ضمن میں فضائی میزبانوں کے ڈیوٹی فری شاپ جانے پر بھی پابندی عائد کی گئی ہے جبکہ انٹرنیشنل پروازوں کے میزبانوں کو غیرضروری نقل وحرکت کی بھی ممانعت ہوگی۔
پی آئی اے کے شعبہ فلائٹ سروسز نے نوٹیفکیشن جاری کر دیا ہے جس کے مطابق ویکسین کی ایک یا دو ڈوز کا حامل ہونے پر مبنی نادرا کا سرٹیفکیٹ لازمی قرار دیا گیا ہے۔
حکومتی ہدایات کے تحت یکم اگست سے بغیرسرٹیفکیٹ اندرون ملک پرواز پرتعیناتی نہ کی جائے جبکہ ایک ڈوزکی صورت میں 1166 سے جاری میسیج پیش کرنا بھی ضروری ہوگا۔
بین لاقوامی پروازوں کے میزبانوں کی جانب سے خلاف ورزی پرجرمانہ بھی عائد کیے جانے کا فیصلہ کیا گیا ہے، خلاف ورزی پرجرمانے کی رقم تنخواہ سے منہا اور انضباطی کارروائی بھی کی جائے گی۔
