انڈسٹریل گروتھ آرگنائزیشن کے کنوینر امجد اعوان نے ایک بیان میں سینئر صنعتکار ایس ایم منیر کے بیان کی مکمل حمایت کرتے ہوئے کہا ہے کہ یہ بات درست ہے کہ ٹیکسٹائل انڈسٹریز کو پانی کی شدید کمی کا سامنا ہے۔ امجد اعوان نے کہا کہ پاکستان کی ترقی میں ٹیکسٹائل انڈسٹریز کا اہم کردار ہے۔ ٹیکسٹائل انڈسٹریز کو ترقی دینے کی بہت ضرورت ہے۔ حکومت کو چاہیے کہ نہ صرف ٹیکسٹائل کی صنعت بلکہ دیگر تمام صنعتی اداروں کو ترقی دیں۔ کارخانوں کے فروغ اور ترقی میں عوام کی بھی فلاح وبہبود شامل ہے۔ کارخانوں کے فروغ سے روزگار میں اضافہ ہوگا۔ انہوں نے کہا کہ موجودہ وبا کی وجہ سے بعض صنعتی ادارے بند ہونے کی وجہ سے مزدور بیروزگار ہوگئے ہیں۔ انہوں نے کہا کہ روزگار میں اضافے سے معاشرے میں سکون رہے گا۔ حکمران اس طرح کی پالیسیاں بنائیں کہ انڈسٹریز کو پھلنے پھولنے کا موقع ملے۔