اسلام آباد: سعودی عرب کی جیلوں سے معمولی جرائم کے باعث قید و بند کی صعوبتیں برداشت کرنے والے 62 پاکستانی رہائی پانے کے بعد وطن پہنچ گئے۔
سماجی رابطے کی ویب سائٹ پر عمران خان نے ٹوئٹ کرتے ہوئے کہا کہ قیدیوں کی واپسی کیلیے میری ہدایت پر خصوصی فنڈز کا بندوبست کیا گیا،پاکستانی قیدیوں کی واپسی میں مدد کرنا حکومت کی عوام سے وابستگی ہے۔
میرےاحکامات پر سرمائےکاانتظام کیاگیااور ایک خصوصی پرواز 62پاکستانی قیدی لیکر آج سعودی عرب سےوطن واپس پہنچی تاکہ وہ اپنےاہلخانہ کیساتھ عیدمناسکیں۔بیرونِ ملک جیلوں میں قیدپاکستانیوں کی مدداور وطن واپسی کیلئےانکی معاونت اپنےلوگوں سےمیری حکومت کاوعدہ ہے۔62 قیدیوں کی وطن واپسی کامنظر! pic.twitter.com/rfb0iyzPfu
— Imran Khan (@ImranKhanPTI) July 20, 2021
وزیراعظم نے کہا کہ خصوصی درخواست پر سعودی عرب کے شاہ سلیمان بن عبدالعزیز نے سعودی عرب کی جیلوں میں قید بند کی صعوبتیں برداشت کرنے والے پاکستانیوں کی رہائی کا حکم دیا، جس پر مختلف جیلوں میں اسیر 63 پاکستانیوں کو رہا کردیا گیا۔
