حج ادائیگی کے بعد 25 جولائی سے عمرہ اجازت نامے جاری کیے جائیں گے۔
سعودی نائب وزیر حج و عمرہ ڈاکٹر عبدالفتاح مشاط نے اعلان کیا ہے کہ حج مکمل ہونے کے بعد 15 ذی الحجہ بروز اتوار سے عمرہ کھول دیا جائے گا۔
انہوں نے بتایا کہ 25 جولائی سے ابتدائی طور پر یومیہ بنیادوں پر 20 ہزار عمرہ اجازت نامے جاری کیے جائیں گے۔
نائب وزیر کا کہنا تھا کہ پہلے مرحلے میں اندرون ملک موجود شہریوں اور مقیم غیرملکیوں کو ہی عمرہ اجازت نامے جاری ہوں گے۔
ایک سوال کے جواب میں ڈاکٹر عبدالفتاح مشاط کا کہنا تھا کہ عمرہ اجازت ناموں کی تعداد میں بتدریج اضافہ کیا جائے گا اور یومیہ عمرہ زائرین کی تعداد 20 ہزار تک پہنچ جائے گی۔