یوں تو خواتین کو صنفِ نازک قرار دیا جاتا ہے لیکن آج کل خواتین زندگی کے میدان میں مردوں کے شانہ بشانہ آگے بڑھتی دکھائی دے رہی ہیں۔
یوکرین میں ایسا ہی ایک انوکھا کارنامہ سر انجام دیتے ہوئے خواتین نے بیک وقت اسکائی ڈرائیونگ کا مظاہرہ پیش کر کے عالمی ریکارڈ قائم کر دیا۔
امریکا ، جرمنی، برازیل، فن لینڈ،نیوزی لینڈ ، چیک ریپبلک، میکسیکو ، سویڈن ، روس، فرانس، رومانیہ،پیراگوئے، جاپان اور ہالینڈ سمیت انیس ممالک سے تعلق رکھنے والی ان خواتین نے جہاز سے ہزاروں فٹ کی بلندی سے چھلانگ لگاتے ہوئے یہ عالمی کارنامہ انجام دیا ہے۔
ماہر اسکائی ڈائیورزپر مشتمل خواتین کی اس جانباز ٹیم نے رنگین جمپ سوٹ پہن کر فضا میں چھلانگ لگائی تو سینکڑوں میل فی گھنٹہ کی رفتار سے اُڑان بھرتے ہوئے اپنی ساتھیوں کے ہاتھ تھام کر اسنو فلیک(Snowflake) کی ترتیب تشکیل دی ڈالی ۔
بعد ازاں تمام خواتین نہایت پیشہ ور انداز میں ایک دوسرے کے ہاتھ چھوڑ کر فضا میں جدا ہوئیں اور اپنے پیرا شوٹ کھول کر بحفاظت زمین پر اُتر گئیں۔
