میونخ: بیلجیم کو ہرا کر اٹلی یورو کپ کے سیمی فائنل میں پہنچ گیا، سنسنی خیز مقابلے کے بعد اٹلی نے بیلجیم کو 2 کے مقابلہ مین ایک گول سے شکست دے دی۔
میونخ میں ہونے والے اعصاب شکن مقابلے میں اٹلی کے نیکلو بریلا نے 31 ویں منٹ پر گول کرکے ٹیم کو سبقت دلائی تو کچھ دیر بعد بیلجیم کے رومیلولوکاکو نے پہلے ہاف کے انجری ٹائم میں پنالٹی کک پر گول کیا۔
دوسرے ہاف میں اٹلی نے دوسرا گول کیا جو فیصلہ کن ثابت ہوا اور مقررہ وقت تک فاتح ٹیم نے اپنی برتری برقرار رکھتے ہوئے مضبوط حریف کو شکست سے دوچار کر کے ایونٹ سے باہر کر دیا۔
https://twitter.com/PhillipAchan/status/1411090197543010307?s=20
اس سے قبل کھیلے گئے کوارٹر فائنل میں اسپین سوئٹرزلینڈ کو ہرا کر یورو کپ کے سیمی فائنل میں پہنچ گیا۔ اسپین اور سوئٹرز لینڈ کے میچ کا فیصلہ پنالٹی ککس پر ہوا۔
مقررہ وقت میں میچ ایک،ایک گول سے برابر رہا اور اضافی وقت میں کوئی ٹیم بھی گول نہ کرسکی۔ پنالٹی ککس پر اسپین نے سوئٹرز لینڈ کو 1-3سے شکست دے دی۔
