سابق وزیراعظم میر ہزار خان کھوسو انتقال کرگئے

217

کوئٹہ: سابق نگران وزیراعظم میر ہزار خان کھوسو طویل علالت کے بعد 92 برس کی عمر میں انتقال کرگئے جبکہ مرحوم کی تدفین ان کے آبائی علاقے میں کی جائے گی۔

تفصیلات کے مطابق سابق نگراں وزیرِاعظم میر ہزار خان کھوسو طویل علالت کے بعد 92 برس کی عمر میں کوئٹہ میں انتقال کر گئے جبکہ خاندانی ذرائع کا کہنا ہے کہ  میر ہزار خان کھوسو گزشتہ ایک ماہ سے شدید علیل تھے اور کوئٹہ کے نجی اسپتال میں زیر علاج تھے۔

خیال ر ہے میر ہزار خان کو گزشتہ روز دل کا دورہ  پڑا  جس کے بعد وہ کوئٹہ کےنجی اسپتال میں انتقال کرگئے،  مرحوم کی میت کوئٹہ سے ان کے آ بائی گاؤں لائی جائے گئی جہاں انہیں سپرد خاک کردیا جائے گا۔

خیال رہے 92 سالہ میر ہزار خان کھوسو نگران وزیراعظم کے علاوہ سابق چیف جسٹس بلوچستان ہائیکورٹ، گورنر بلوچستان اور صوبائی چیئرمین زکوۃ کے عہدے پر بھی فائز رہے۔