صوبے ہینان کے شہر ژیچینگ میں مارشل آرٹس اسکول میں آگ لگنے سے 18 افراد ہلاک اور 16 زخمی ہوگئے ہیں۔
چینی نشریاتی ادارے بیجنگ توتیاؤ نیوز کے مطابق متاثرہ افراد میں سے زیادہ تر سات سے سولہ سال کی عمر کے شاگرد ہیں۔
ژیچینگ کاؤنٹی انتظامیہ کی جانب سے جاری بیان میں کہا گیا ہے کہ آگ پر قابو پالیا گیا ہے اور حکام آتشزدگی کے اسباب تحقیقات کر رہے ہیں۔ جبکہ اسکول کے منیجر کو پولیس نے گرفتار کرلیا ہے۔
اطلاعات کے مطابق آگ لگنے کے وقت احاطے میں 34 طلباء موجود تھے۔
زخمی شدہ افراد میں چار کی حالت تشویش ناک ہے جبکہ 12 لوگوں کو معمولی زخم آئے ہیں۔