خاتون ہراسگی کیس میں سٹیزن پورٹل پر درج شکایت میں غفلت برتنے پر وزیراعظم عمران خان نے سخت اظہار برہمی کرتے ہوئے ذمہ داروں کے خلاف کارروائی کی ہدایت کر دی۔
خاتون ایف آئی اے کیخلاف شکایت لےکر وزیراعظم آفس پہنچی تو وزیراعظم نےشکایت کو غیر سنجیدہ لینے والوں کیخلاف سخت کارروائی کی ہدایت کردی۔
وزیراعظم آفس کے مطابق عمران خان کو انکوائری رپورٹ 20 جولائی کو پیش کی جائے گی، ایف آئی اے نے شکایت کو مسلسل نظر انداز کیا خاتون نے ہراسگی کے باعث یونیورسٹی سے نوکری چھوڑ دی تھی۔
ایف آئی اے افسران کے عدم تعاون پرخاتون نے مبینہ خودکشی کی کوشش بھی کی۔ خاتون نے 5 مرتبہ شکایت درج کروائی لیکن ایف آئی اے افسران نے کارروائی نہیں کی، 16دسمبر 2019 سے 13 جون تک ایف آئی اے نے شکایت کو نظرانداز کیا اور دوبارہ شکایت ری اوپن کے باوجود ایف آئی اے نے ذمہ داری میں کوتاہی برتی۔
وزیراعظم کی ہدایت پرپی ایم ڈلیوری یونٹ کا ایف آئی اے افسران کے خلاف ایکشن لیا ہے ۔ ڈی جی ایف آئی اے کو شفاف انکوائری اور متعلقہ افسران کو معطل کرنے کی ہدایت کر دی ہے۔
